அன்புத் தோழர்களுக்கு வணக்கம் ! நல்ல நிலையில் இயங்கிக் கொண்டிருந்த MELUR SOUTH அஞ்சலகம் , பொது மக்களுக்கு எந்த வித முன்னறிவிப்பும் கொடுக்கப் படாமல் , திவாலாகும் FINANCE COMPANY கள் இரவோடு இரவாக சுருட்டிக் கொண்டு ஓடுவது போல , திடீரென்று மூடப் பட்டதாக மாநிலச் சங்கத்திற்கு புகார் வந்துள்ளது . விபரங்கள் விசாரிக்கையில் அதிர்ச்சியூட்டும் தகவல்கள் கிடைக்கப் பெற்றன .
முதலாவது , இந்த அலுவலகத்தை மூடவேண்டும் என்று CPMG / PMG எவரிடமும் அனுமதி பெறவில்லை .
இரண்டாவது , இந்த அலுவலகத்தை மூடுவதற்கு எந்தவித காரணங்களும் காட்டப் படவில்லை .
மூன்றாவது , திடீரென்று அலுவலகம் காணாமல் போனபிறகு , பொது மக்களிடம் இருந்து பிரச்சினை எழுந்தவுடன் இரண்டு நாட்கள் கழித்து இது மூடல் இல்லை - இணைப்புதான் என்று கூறப் பட்டது . ஆனால் மேலூர் S .O . வில் தனி COUNTER ஆக இயங்கத் துவங்கியது - இடையில் இரண்டு நாட்கள் ACCOUNT BAG அனுப்பப் படவில்லை .
இது குறித்து பொது மக்களில் ஒருவர் தகவல் அறியும் உரிமைச் சட்டத்தின் அடிப்படையில் கேட்டதற்கு , அந்த ஊரின் MLA வை அணுகி சமாதானம் செய்து அதன் பிறகு அலுவலகத்தை மூடியதாக முதுநிலைக் கண்காணிப்பாளரே எழுத்து பூர்வமாக ஒப்புக் கொண்டுள்ளார்.
தற்போது பொதுமக்களில் பலர் , அந்த அலுவலகம் வணிகப் பகுதியில் நம் இலாக்காவுக்காக குறைந்த வாடகையில் இயங்கி வந்ததாகவும் , இதனால் நஷ்டம் ஏற்படுவதாக LAND LORD , SSPOS இடம் கேட்டுக் கொண்டதாலும் அந்த இடம் அதிக 'PAGADI ' க்கும் உயர் வாடகைக்கும் பேசப் பட்டதாகவும் வேறு ஒரு நபருக்கு தருவதாக உறுதி அளிக்கப் பட்டதாகவும்
அதன் அடிப்படையிலேயே , அந்த கட்டிடச் சொந்தக் காரரின் நன்மை கருதி , பொது மக்களுக்கு விரோதமாக அந்த அஞ்சலகம் , பொதுமக்களுக்கு ஒரு சிறு முன்னறிவிப்பு கூட அளித்திடாமல் மூடப் பட்டதாகவும் புகார் தெரிவிக்கின்றனர்.
இதையெல்லாம் கவனிக்க வேண்டிய மண்டல நிர்வாகம் கடந்த ஒரு மாதமாக வாய் மூடி மௌனியாக உள்ளது. சாதாரண ஊழியர் E-POST பட்டுவாடா செய்திட ஸ்பீட் போஸ்ட் போல ACKNOWLEDGEMENT பெறுவதில் சுணக்கம் இருந்தால் கூட, அந்த தபால்கள் உண்மையாகவே சரியாக தபால் காரரால் , குறிப்பிட்ட நேரத்தில்பட்டுவாடா செய்திருந்தாலும் கூட .. அதெல்லாம் எனக்குத் தெரியாது நீ ' SUSPEND ' என்று கூறும் அதிகாரிகள் , இப்படி முழுப் பூசணிக் காய்களை சோற்றில் மறைக்கலாமா ? உண்மை எத்தனை காலத்திற்கு ஊமையாக இருக்கும் .
பொது மக்கள் பேச ஆரம்பித்து விட்டார்கள் ! இப்போது நம்மிடம் சொல்கிறார்கள் ! நாளை எங்கெல்லாம் சொல்வார்களோ ! உயர் அதிகாரிகள் நீதியை நிலைநாட்டுவார்களா ? பொறுத்திருந்து பார்ப்போம் !
