வாழ்வா ? சாவா ? போராட்டம்
அன்புத் தோழர்களுக்கு வணக்கம் . நாம் நம்முடைய மாநிலச் சங்கத்தின் சார்பில் ஏற்கனவே நடத்திய நான்கு மண்டலங்களின் பயிற்சி வகுப்பில்
நம் அஞ்சல் மூன்று மாநிலச் செயலரின் தலைப்பான " அஞ்சல் துறையின் எதிர்காலமும் நம் தொழிற் சங்க கடமையும் " என்ற தலைப்பில் நம் துறை எதிர்காலத்தில் BSNL போல CORPORATION ஆக்கப் பட்டு தனியார் மயத்தை நோக்கி செல்ல உள்ளது என்பதை சுட்டிக் காட்டி வந்துள்ளோம் .
NATIONAL POSTAL POLICY 2012 இன் அடிப்படையிலும் I.T. MODERNISATION PROJECT 2012 இன் அடிப்படையிலும் அரசின் இந்த திரை மறைவுத் திட்டம் நிறைவேற்றப்பட உள்ளதன் ஆபத்தை தெளிவாகவே சுட்டிக் காட்டி வந்துள்ளோம்.
தற்போது " TASK FORCE ON LEVERAGING THE POST OFFICE NETWORK " என்பது அமைக்கப்பட்டு அதன் அறிக்கையும் அரசுக்கு அளிக்கப்பட்டு விட்டது. நாம் எதிர்பார்த்தபடியே நம் துறையை CORPORATISE செய்திட அதில் பரிந்துரைகள் வழங்கப்பட்டுள்ளன என்பது " NOW THE CAT IS JUMPED OUT OF THE BAG " என்ற மரபுச் சொல்லின் (IDIOM) அடிப்படையில் நம்முடைய மாநிலச் சங்கம் ஏற்கனவே கூறி வந்த செய்தி உண்மை என அறியப்படுகிறது .
இந்திய அஞ்சல் துறை ஆறு பகுதிகளாகப் பிரிக்கப் பட்டு 'INDIA POST (FINANCIAL AND OTHER SERVICES) CORPORATION என்று மாற்றப்பட பரிந்துரைக்கப்பட்டுள்ளது . இது COMPANY சட்டத்தின் கீழ் கொண்டுவரப்படும்.
இதனை ஒட்டியே நம்முடைய மத்திய அரசு ஊழியர் மகா சம்மேளன
மாபொதுச் செலாளர் தோழர். M . கிருஷ்ணன் அவர்கள் கீழே காணும் கட்டுரையை நமக்கு அளித்துள்ளார். முழுவதும் இதனை படித்திட நாம் வேண்டுகிறோம்.
அரசின் இந்த மோசமான , நம்முடைய இலாகாவையே தனியாருக்கு தாரை வார்த்திடும் முயற்சியை நாம் முறியடித்திட வேண்டும். தொடர் போராட்டங்களை நாம் நடத்திட வேண்டிய சூழ்நிலையில் தற்போது இருக்கிறோம். இதனை தெளிவாக அடிமட்ட ஊழியர்கள் வரை கொண்டு செல்ல வேண்டியது நம் ஒவ்வொருவரின் கடமையாகும்.
