அம்பத்தூர் அஞ்சல் மூன்று, அஞ்சல் நான்கு மற்றும் GDS கிளைகளின் சார்பாக கடந்த 28.07.2013 அன்று திருவொற்றியூர் அஞ்சலகத்தில் நடத்தப் பட்ட தொழிற் சங்க பயிலரங்கு மிகச் சிறப்பாக - கலந்து கொண்ட அனைவரின் பாராட்டினையும் பெற்றது.
காலை சுமார் 10.30 மணியளவில் அஞ்சல் மூன்றின் கோட்டத் தலைவர் தோழர் C . மோகன் அவர்கள் தலைமையேற்க , அஞ்சல் நான்கின் கோட்டச் செயலர் தோழர் G . சுரேஷ் பாபு அவர்களின் வரவேற்புடன் நிகழ்ச்சி இனிதே துவங்கியது . முதலில் ' NFPE கிராமப் புற அஞ்சல் ஊழியர் சங்கத்தின் தோற்றமும் இன்றைய நிலையில் அவர்களின் நிலைமையும், நம் தொழிற் சங்கக் கடமையும்' என்ற தலைப்பில் AIPEU GDS (NFPE ) சங்கத்தின் மாநிலச் செயலர் தோழர் R . தனராஜ் அவர்கள் வகுப்பினைத் துவக்கி வைத்து சிறப்பித்தார்.
அடுத்து ' அஞ்சல் தொழிற் சங்க வரலாறும், இன்றைய தொழிற்சங்க கடைமையும் ' என்கிற தலைப்பில் அஞ்சல் மூன்றின் மாநிலச் செயலர் தோழர். J . ராமமூர்த்தி அவர்கள் , நமது தொழிற் சங்கம் தோன்றிய வரலாறு, தலைவர்களின் அளப்பரிய தியாகம், நாம் பெற்ற வெற்றிகள் , இன்றைய சூழலில் அரசின் நிலைமை, இலாக்காவின் நிலைமை, இன்று நம் முன்னே உள்ள கடமை குறித்து சிறப்பானதொரு வகுப்பினை அளித்தார்.
மதிய உணவு இடைவேளைக்குப் பிறகு ' இலாக்கா விதிகளும், நடத்தை விதிகள், தகவல் அறியும் உரிமை சட்டம் , CONTRIBUTORY NEGLIGENCE ' உள்ளிட்ட விதிகள் இவற்றில் , ஊழியர் பாதுகாப்பு சட்டங்கள்' குறித்து மிகத் தெளிவாக நம்முடைய அஞ்சல் மூன்றின் முன்னாள் பொதுச்செயலர் தோழர். KVS அவர்கள் வகுப்பினை எடுத்தார்கள் .
இதன் பிறகு சுமார் 01.00 மணி நேரம் ஊழியர்களின் சந்தேகங்களுக்கு தோழர் KVS அவர்களும் J .R . அவர்களும் பதில் அளிக்க , கேள்வி- பதில் அரங்கம் களை கட்டியது . கலந்துகொண்ட ஊழியர்கள் ஒருவர் கூட மாலை 06.00 மணிவரை அரங்கினை விட்டு வெளியேற வில்லை என்பது நிகழ்ச்சியின் மீது அவர்கள் கொண்ட ஈடுபாட்டினை எடுத்துக் காட்டுவதாக அமைந்தது .
சுமார் 160 ஊழியர்கள் கையொப்பமிட சுமார் 180 ஊழியர்கள் கலந்து கொண்டது நிகழ்ச்சியின் சிறப்பை வெளிப்படுத்தியது . நிகழ்ச்சியில் தென் சென்னை அஞ்சல் மூன்றின் கோட்டச் செயலர் தோழர். ராஜேந்திரன் அவர்களும் திருவண்ணாமலை அஞ்சல் மூன்றின் கோட்டச் செயலர் தோழர் பிச்சாண்டி அவர்களும், அம்பத்தூர் கோட்டச் சங்க வழிகாட்டி தோழர். G .C . நரசிம்மலு உள்ளிட்ட முன்னணித் தலைவர்கள் மற்றும் இதர தோழர்களும் கலந்து கொண்டனர்.
பயிலரங்கு நிகழ்ச்சியினை அஞ்சல் மூன்றின் கிளைச் செயலர் தோழர்.
S . அசோகன் அவர்களும், அஞ்சல் நான்கின் கோட்டச் செயலர் தோழர்.G . சுரேஷ் பாபு அவர்களும், AIPEU GDS NFPE இன் கோட்டச் செயலர் தோழர்.
S . விஜயகுமார் அவர்களும் மிகச் சிறப்பாக ஏற்பாடு செய்து நடத்தியதற்கு நம் மாநிலச் சங்கத்தின் மனம் திறந்த பாராட்டுக்கள் ! வாழ்த்துக்கள் !
இதுபோன்ற தொழிற் சங்க பயிற்சி வகுப்புகள் இனி ஒவ்வொரு கோட்டத்திலும் நடைபெற வேண்டும் என்று நாம் விரும்புகிறோம்.! கோட்ட/கிளைச் செயலர்கள் அதற்கான முயற்சியில் ஈடு பட வேண்டுகிறோம்!
