வருந்துகிறோம் !
அரக்கோணம் கோட்டத்தைச் சேர்ந்த , ராணிப்பேட்டை கிளையில் உள்ள வாலாஜா அஞ்சலகத்தில் துணை அஞ்சலக அதிகாரியாக பணியாற்றிய நமது சங்கத்தின் அன்புத் தோழியர் . S. விஜயலட்சுமி அவர்கள் நேற்று அலுவலக நேரத்திலேயே இதயக் கோளாறு காரணமாக உயிர் நீத்தார் என்பதை ஆழ்ந்த வருத்தத்துடன் தெரிவித்துக் கொள்கிறோம்.
இந்தத் தோழியர் , காஞ்சிபுரம் கோட்டக் கண்காணிப்பாளர் திரு. R. பாலச் சந்தர் அவர்களின் துணைவியார் ஆவார்கள் . ஒரு கண்காணிப்பாளரின் துணைவியாராக இருந்த போதும் நமது சங்கத்தின் மேல் ஆழ்ந்த பற்று கொண்டு , சங்கம் அறிவிக்கும் எல்லா போராட்டங்களிலும் , எல்லா வேலை நிறுத்தங்களிலும் முழுமையாக ஈடுபட்டது அவரது சிறப்பு. ராணிபேட்டை கிளையின் முன்னணித் தோழியராக அவர் திகழ்ந்தார் என்பது நமக்கெல்லாம் பெருமை.
ஆனால் அவரது திடீர் மறைவு நமது தோழர்களிடையே மிகுந்த வருத்தத்தை ஏற்படுத்தியுள்ளது.
அவரைப் பிரிந்து வாடும் அவரது குடும்பத்தாருக்கும் , அவரது கணவருக்கும், ராணிப்பேட்டை கிளையின் தோழர்களுக்கும் மாநிலச் சங்கத்தின் ஆழ்ந்த இரங்கலைத் தெரிவித்துக் கொள்கிறோம்.
அவரது ஆன்மா சாந்தியடைய வேண்டுகிறோம்.!
