ராஜபாளையம் சிறப்புக் கூட்டம்
ராஜபாளையம் அஞ்சல் மூன்று கிளையின் சார்பாக கடந்த 05.04.2014 அன்று மாலை ராஜபாளையம் தலைமை அஞ்சலகத்தில் அஞ்சல் மூன்றின் கிளைத் தலைவர் தோழர். R . ஜீவானந்தம் அவர்கள் தலைமையில் சிறப்புக் கூட்டம் நடைபெற்றது . கூட்ட ஏற்பாடுகளை அஞ்சல் மூன்று கிளையின் செயலர் தோழர். P . முருகன் அவர்களும் அஞ்சல் நான்கின் தோழர் செல்வராஜ் அவர்களும் சிறப்பாகச் செய்திருந்தனர் .
கூட்டத்தில் அஞ்சல் மூன்றின் மாநிலச் செயலர் தோழர். J .R . அவர்களும் மாநிலத் தலைவர் தோழர். J . ஸ்ரீ வெங்கடேஷ் அவர்களும் கலந்து கொண்டு இலாக்காவின் நிலை , நமது அகில இந்திய மற்றும் சம்மேளனத்தின் போராட்ட நிலைப் பாடு, ஏழாவது ஊதியக் குழு குறித்த எதிர்வரும் போராட்டங்கள் , மாநிலச் சங்கத்தின் செயல்பாடு உள்ளிட்ட பல பிரச்சினைகள் மீது சிறப்புரையாற்றினர் .
கூட்டத்தில் சிவகாசி அஞ்சல் மூன்றின் கிளைச் செயலர் தோழர். விஜயகுமார் அவர்களும் கிளைத் தலைவர் தோழர் மாரிமுத்து அவர்களும் மற்றும் பல தோழர்களும் கலந்துகொண்டு சிறப்பித்தனர் . கூட்டத்தின் இறுதியில் கலந்துரையாடல் நடைபெற்றது . சிவகாசி தோழர். மாரிமுத்து மற்றும் சந்தானமுத்து ஆகியோர் கலந்துகொண்டு பல கேள்விகளை எடுத்து வைத்தனர் . அதற்கு மாநிலச் செயலர் விளக்கங்களை அளித்தது சிறப்பாக அமைந்தது . இறுதியாக கிளைச் செயலர் தோழர் . முருகன் அவர்கள் நீண்ட விளக்கத்துடனான நன்றியுரை அளிக்க கூட்டம் இரவு 09.30 மணியளவில் இனிதே முடிந்தது .
குறிப்பாக ராஜபாளையம் மற்றும் விருதுநகர் பகுதியில் இவ்வளவு சிறப்பாக கூட்டத்திற்கு ஏற்பாடு செய்திருந்த ஈடுபாடு மிக்க இளைஞர் கூட்டம் , சங்கத்தின் எதிர்கால வளர்ச்சிக்கு ஒரு முன்னோட்டமான நம்பிக்கையை விதைத்தது. ராஜபாளையம் கிளைச் செயலர் தோழர் முருகன் அவர்களுக்கும் அஞ்சல் நான்கின் தோழர் செல்வராஜ் அவர்களுக்கும் நம் அஞ்சல் மூன்று மாநிலச் சங்கத்தின் நெஞ்சார்ந்த நன்றியை தெரிவித்துக் கொள்கிறோம்.
